បុរសម្នាក់ស្រវឹងស្រា បើកម៉ូតូធ្លាក់ផ្លូវបណ្តាលឲ្យរបួសធ្ងន់
03-April-2018 | ដោយ ពលមនសិការ
ព្រៃវែង ៖ កាលពីថ្ងៃទី០២ ខែមេសា ឆ្នាំ២0១៨ វេលាម៉ោង២0និង៣០នាទីយប់ នៅចំណុចគល់ស្ពានខាងត្បូងភូមិរលាំង ឃុំរំលេច ស្រុកស៊ីធរកណ្តាល មានករណីគ្រោះថ្នាក់ចរាចរណ៍ដោយខ្លួនឯង។
សមត្ថកិច្ចបានឱ្យដឹងថាអ្នកបើកបរម៉ូតូឈ្មោះ ដែន ភេទប្រុស អាយុ២១ឆ្នាំ មានទីលំនៅភូមិពយ ឃុំសំបូរ ស្រុកបាធាយ ខេត្តកំពង់ចាម ជិះម៉ូតូម្នាក់ឯង បើកពីទិសខាងជើងទៅត្បូងដល់ចំណុចកើតហេតុខាងលើផ្លូវកោងក៏ធ្លាក់ពីលើថ្នល់ទៅក្រោមចំងាយប្រវែង១៥ម៉ែត្រ បណ្តាលអោយអ្នកបើករងរបួសបាក់ដៃខាងឆ្វេង និងសន្លប់មិនដឹងខ្លួន បញ្ជូនទៅសង្គ្រោះនៅមន្ទីរពេទ្យខេត្តព្រៃវែង។
ម៉ូតូម៉ាកវេឆ្លាម ពណ៌ក្រហម ពាក់ស្លាកលេខព្រៃវែង 1D- 4585។ មូលហេតុ ផ្លូវកោង អ្នកបើកបរស្រវឹងស្រា ហើយបើកលើសល្បឿនកំណត់។ វត្ថុតាងយកទៅរក្សាទុកនៅអធិការដ្ឋាននគរបាលស្រុក៕
ចំនួនអ្នកទស្សនា
- ថ្ងៃនេះ4491
- ម្សិលមិញ10851
- សប្តាហ៍នេះ71011
- ខែនេះ186161
- ឆ្នាំនេះ186161
- សរុប20628617